معروف ٹیکنالوجی کمپنی این ویڈیا (NVIDIA) کے سابق سی ای او جینسن ہوانگ کی حمایت میں شروع کی گئی آن لائن مہم نے غیر معمولی مقبولیت حاصل کر لی، جس پر ہفتے کی سہ پہر تک ایک لاکھ 8 ہزار سے زائد افراد اپنی حمایت کا اظہار کر چکے ہیں۔

اس مہم کا نام ’اسٹینڈ وِد جینسن‘ (Stand With Jensen) رکھا گیا ہے۔ اسے فروغ دینے والوں میں معروف کاروباری شخصیت ایلون مسک اور ٹیکنالوجی کمپنی ریپلٹ کے چیف ایگزیکٹو امجد مساد بھی شامل ہیں، جنہوں نے سماجی رابطے کے پلیٹ فارم ایکس پر اس مہم کی حمایت میں پیغامات شیئر کیے۔

مہم کی ویب سائٹ پر دستیاب اعداد و شمار کے مطابق دستخط کرنے والوں میں این ویڈیا کے 58 ہزار سے زائد شیئر ہولڈرز، کمپنی کے 5 ہزار 600 سے زیادہ موجودہ ملازمین اور ایک ہزار سے زائد سابق ملازمین شامل ہیں۔

بزنس انسائیڈر کی رپورٹ کے مطابق این ویڈیا کے ایک ملازم نے بھی اس مہم پر دستخط کیے ہیں۔ ان کا کہنا ہے کہ کمپنی کے اندر بھی جینسن ہوانگ کی حمایت میں کوششیں جاری ہیں۔

ملازم کے مطابق کمپنی کے اندرونی آن لائن پورٹل پر بھی اس حوالے سے ایک پیغام سامنے آیا ہے، جہاں ملازمین کو اپنے سوالات، آرا اور تجاویز پیش کرنے کا موقع فراہم کیا جاتا ہے۔